******الى امي******

ألف رحمة على روحك
وأدعي ربي يتقَبّل
وأقوم الليل واتبتّل
أصلي واركع واسجد
وأنوح بحُرقة وتوسل
صبرنا ع الوجع يمه
صبرنا والجرح أثقل
حيرت بجرحي لمداوي
يسهر ليالي ويتعلل
يركب بلسم جراحي
أعشاب ومبخرة ومندل؟
جرحك يا أبني حيرني
وبداخل عروقك إمغلغل
كلمة فصل لازم بتر خلك رجل
وشويه والألم يرحل
رحلنا والألم باقي
وسنين الغربة نتحمل
رحلت وشايل همومي
عبر لحدود واتسلل
ما نسينا ترابك يا وطن
الموت من البعد أسهل
ما نسينا شمسك وغيمك
وحصاد وسنبلة ومنجل
غوطة ونهر وعشرة عُمُر
ومدن مقهورة تتململ
حلب اسطورة التاريخ
ع ضفاف العاصي تتغسل
فرات وديرنا الغالي
وظفاير من البدر اجمل
وجرح دوما سقا عرسال
بكتاب وسورة تترتل
بعيوني أدلب الخضرا
وجسر محبة متأصِل
جبينك يا وطن انصع
وشمسك من الفجر تطلع
تعلا وتحرس سياجك
وتلون وردة ع جبالك
وترسمك مجد العالي
وتراب من التبر شَعْشَعْ
يا وطن ما أعظم رجالك
يا وطن ما أكرم أطفالك
سقو غيماتك وجادو
برواح من المجد اروع
انا عمري بشهر آذار
أولدنا وللسِلمْ نرضع
انا عمري عُمُر آذار
يزهر وللوطن يِبْدَع
يِبْدَع كلمات وقوافي
طفل غنا وانكسر اصبع
طفل جَيّشْ للكرامة
وحشود للوهم تنزع
أولادي كتبت حروف
ونادت والوطن ولع
((أكرم))